Ñanduti

La leyenda Ñanduti es un cuento corto en guaraní popular del Paraguay.

Sapurũ, kuñataĩ porã peteĩ, oikóvante oikoha rupi omoherakuã ndaje omendáne haguã kuimba’e ogueropojáiva chupe jopói iporãvévare.

Ñanduguasu apysápe oguahẽ upéva. Ymaite guivéma niko omyendy ikorasõme ra’e hese imborayhu. Ñanduguasu oñemoĩ omboguyguy ka’aguy ryepy, jahechápa ndojuhúi peteĩ mba’e iporã ambuéva ha ikatúneva Sapurũ ohecharamo. Upéicha oiko kuévo hesaho sapy’a peteĩ ñandu renimbo rehe, ysapýpe iñakỹ ha ojajaipáva hína.

Ombopy’aroryete chupe, oñemboja mbegue katuete ha py’a tytýipe ojapyhývo, ikusugue ipópe. Ñembyasy asýpe ojere hógape omombe’u ipýpe ipo’a’ỹ. Isy he’i chupe:

-Ani rejepy’apy che memby. Heta upeichagua oĩ ka’aguýre, jaha jaheka ndéve.

Oike ka’aguýre hikuái ha márõ ndojuhúi mba’eve.

Upémarõ oporandu isy Ñanduguasúpe mba’eichaguápa pe mba’e ohecha va’ekue, ha ohendupa porã rire, oñemoĩ ohekýi iñakãrague morotĩrotĩmava ohóvo ha oipyaha ipype peteĩ ñandu renimbo joguahaite.

Ñanduguasu ome’ẽ Sapurũme isy rembiapokue ha ombojoaju hikuái hekove kuéra. Upe guive ko tembiapokue porãite, sy mborayhúgui heñói va’ekue, héra ñanduti.

Leyenda Ñanduti (traducido al español)

Sapurú, una linda chica que vivía en un poblado, se dice que hizo correr la voz de que se casaría con el hombre que le ofrezca el mejor regalo.

Eso llegó a oídos de Ñanduguasú cuyo corazón desde hacía tiempo que se había inflamado de amor por ella. Empezó a buscar en medio del bosque para ver si encontraba algo lindo y novedoso que a Sapurú le pudiera encantar. Estando en eso, de súbito, cayeron sus ojos sobre una telaraña que brillaba húmeda por el rocío.

Se puso muy contento, se acercó despacito y al tocarla emocionado, se deshizo en sus manos. Con mucho pesar volvió a su casa a contarle a su madre su mala suerte. Ella le dijo:

-No te preocupes, mi hijo. Hay muchas de esas en el bosque. Vamos a buscarlas.

Entraron en el monte y en ninguna parte encontraron nada. Entonces le preguntó su mamá a Ñanduguasú cómo era eso que él había visto y, después de escucharlo bien, empezó a sacar cabellos blancos de su cabeza y tejió con ellos algo que se parecía mucho a una tela de araña.

Ñanduguasú le regaló a Sapurú la obra de su madre y los jóvenes unieron sus vidas. Desde aquel entonces ese hermoso trabajo que nació del amor de una madre, se llama ñandutí.


Ñanduti es una leyenda, un cuento corto guaraní popular del Paraguay. Extraído de los libros de Feliciano Acosta Alcaraz.

4 comentarios en “Ñanduti”

Deja un comentario